Dihet tashmë marrëdhënia e munguar mes çiftit Robert Berisha, Nora Istrefi dhe vëllait të Robertit, Patrisit dhe partneres së tij Tuna. E ftuar në emisionin “Xing me Ermalin”, Nora ka folur për herë të parë për kunatën e saj, duke thënë se e respekton atë. “Shoqe të ngushta nuk kemi qenë asnjëherë dhe as armike nuk jemi. Mes meje dhe Tunës nuk ka ndodhur kurrë asgjë.
Ka ndodhur një keqkuptim familjar siç e keni parë. E urrej kur emri im përflitet në media për të përfituar klikime sepse unë nuk kam karrierë të bazuar mbi skandale. Nuk dua të flas për një skandal ku nuk jam e përfshirë personalisht. Tunën vazhdoj ta respektoj si kolege. Por diçka personale s’ka ndodhur kurrë mes nesh”, u shpreh Nora, por vite më parë ato shiheshin kudo bashkë mediat shkruanin se ato ishin mikesha të pandara.
